Kaixo Blogariak eta blogarienen familiak.
Ikasturtearen azkenengo hiruhilabete honetan gure eskolan ikasleen blogen txapelketa martxan jartzea erabaki dugu. Esperientzia pilotoa izango da lehen hezkuntzako hirugarren zikloko ikasleentzat eta emaitzak onak badira datorren ikasturtean beste zikloetara zabaltzea pentsatuta daukagu.
Txapelketa borondatezkoa da eta ikastorduetatik kanpo burutuko da (patio eta jan osteko orduetan).
Blogariek astero gutxienez bidalitako lana burutu beharko dute (blog honetan argitaratuko dena), baina hemendik kanpo lana librea da.
Txapelketa honen helburua gaitasun digitala eta hizkuntza-komunikaziorako gaitasunak garatzea da. Honen arabera blogean hizkuntza maila eta maila teknikoa baloratuko da irabazleak nortzuk diren erabakitzeko. Hala ere denok garaile irtengo garelakoaren ziurtasun osoa daukagu, bai parte hartzen duten ikasle guztiek baita ere proiektu honetan dihardugun irakasleok.
Beste alde batetik, bide honetan , gurasoek paper garrantzitsua betetzen duzue; zuen seme alaben blogak ikusi eta baloratuz eta bertan iruzkinak idatziz.
Azalpen labur honen ostean onena eurei lanean jartzea izango da...
Animo Zeanuriko eskolako blogariak!!!!!!!
No hay comentarios:
Publicar un comentario